Headlines
Loading...
پیاس کی شدت سے روزہ توڑ دیا تو کیا حکم ہے؟؟؟

پیاس کی شدت سے روزہ توڑ دیا تو کیا حکم ہے؟؟؟


           اَلسَلامُ عَلَيْكُم وَرَحْمَةُ اَللهِ وَبَرَكاتُهُ 

کیا فرماتے ہیں علماےدین مسٸلہ ذیل کے بابت کہ سفر شرعی کے دوران زید کو اتنی سخت پیاس لگی کہ اس کا دم گھٹنے لگا جس سے مجبور ہو کر اس نے روزہ توڑ دیا ،آیا اس پہ صرف قضا لازم ہے یا قضا کے ساتھ کفار ہ بھی

            سائل محمد فیضان رضا قادری 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
         وَعَلَيْكُم السَّلَام وَرَحْمَةُ اَللهِ وَبَرَكاتُهُ 

             الجواب بعون الملک الوہاب

صورت مذکورہ میں صرف قضا لازم ہے۔ کفارہ لازم نہیں۔ کیوں کہ دوران سفر بغیر عذر کے روزہ توڑنے سے بھی کفارہ لازم نہیں آتا، اگر چہ توڑنا گناہ ہے ۔۔ہاں اگر مسافرنے سفرکرنے سے پہلے توڑدیا پھر سفر کیا تو کفارہ بھی لازم ہے جیسا کہ بہار شریعت حصہ/٥ صفحہ/١٠٠٣ پہ ہےدن میں سفر کیا تو اس دن کا روزہ افطار کرنے کے لیے آج کا سفر عذر نہیں۔البتہ اگر توڑے گا تو کفارہ لازم نہ آٸےگا مگر گنہگار ہوگا اور اگر سفر کرنے سے پہلے توڑدیا پھر سفر کیا تو کفارہ بھی لازم ۔نیز صورت مسٸولہ میں عذر بھی ہے تو امید ہے کہ شخص مذکور گنہگا ر بھی نہ ہو 

                   واللہ اعلم باالصواب

۔۔کتبہ محمد کلیم نوری ۔استاذ دارالعلوم اہل سنت حشمت العلوم رامپور کٹرہ ضلع بارہ بنکی

1 تبصرہ

براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ