حالت روزہ میں قے آئی اسکے بعد کھانا کھا لیا تو قضاء کرے یا کفارہ ادا کرے گا

         السلام علیکم ورحمۃ اللہ تعالیٰ وبرکاتہ 

کیا فرماتے ہیں علمائے دین اس مسئلے میں کہ بعض لوگ گمان کرتے ہیں کہ الٹی سے روزہ ٹوٹ جاتا ہے حالانکہ کہ مسئلہ یہ کہ اگر خود بخود الٹی ہو اور منہ بھر ہو تو روزہ نہیں ٹوٹتا اب اگر کوئی مسئلہ کی جانکاری نہ ہونے کے بنا پر الٹی ہونے کے بعد کھا پی لے یہ گمان کرتے ہوئے کہ اب تو روزہ ٹوٹ ہی گیا ہے تو چلو کھا لیتے ہیں اب دریافت طلب امر یہ ہے کہ ایسا شخص روزے کی قضاء کرے گا یا کفارہ ادا کریگا فقط والسلام 

            المستفتی رئیس احمد سبحانی
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
            وعلیکم السلام ورحمت اللہ و برکاتہ 

                الجواب بعون الملک الوھاب

صورت مذکورہ میں صرف قضا لازم ہے ۔کفارہ لازم نہیں جیسا کہ حضور صدرالشریعہ علیہ الرحمہ تحریر فر ماتے ہیں بھول کر کھایا پیا یا جماع کیا تھا یا نظر کرنے سے انزال ہوا تھا یا احتلام ہو ا یا قے ہوٸی اور ان سب صورتوں میں یہ گمان کیا کہ روزہ جاتا رہا اب قصدا کھا لیا تو صرف قضا فرض ہے (بہار شریعت حصہ پنجم صفحہ ٩٨٩) 

                  واللہ اعلم بالصواب 

کتبہ محمد کلیم نوری ،استاذ مدرسہ اسلامیہ اہل سنت حشمت العلوم رامپور کٹرہ ،ضلع بارہ بنکی