اذان تک سحری کھانا از روئے شرع کیســـاھے

               السلام علیکم ورحمۃ اللہ وبرکاتہ

کیا فرماتےہیں علماء اہلسنت والجماعت اس مسئلہ کے بارے میں کہ سحری کا 3بجکر 59 منٹ پر ختم ہے اور اذان 4 بجکر 10 منٹ پر ہوتی ہے تو اس کے درمیان کھانا پینا کیسا ہے

        سائل محمد حسین رضا کشن گنج بہار

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

         وعلیکم السلام ورحمتہ اللہ وبرکاتہ

            الجوابـــــ بعون الملکـــــ الوھاب

وقت سحر ختم ہو جانے کے بعد اور اذان سے پہلے پہلے کچھ کھایا تو روزہ نہ ہوا اس روزے کی قضاء لازم ہوگی جیسا کہ درالمختار میں ہے کہ تسحر أوأفطر بظن الیوم) أی الوقت الذی اکل فیہ لیلا و الحال أن الفجر طالع الشمس لم تغرب قضی فی الصور کلھا فقط) ترجمہ سحری کی یا افطاری کی یہ سمجھ کر کہ جس وقت کھا رہا ہوں و رات کا وقت ہے حالانکہ فجر طلوع ہو چکی تھی اور سورج غروب نہیں ہوا تھا تو ان تمام صورتوں میں قضاء کرے گا(درالمختار مع ردالمختار جلد 2 صفحہ نمبر 405/406 دارالفکر بیروت)لہذا اذان فجر تک سحری کھانا درست نہیں ہے(اور ایسا ہی قانون شریعت میں حصہ 01 میں ہے)

                    واللّٰہ ورسولہ اعلم باالصواب

کتبہ ناچیز محمد شفیق رضا رضوی خطیب و امام سنّی مسجد حضرت منصور شاہ رحمت اللہ علیہ بس اسٹاپ کشن پور الھند