جو بچہ مردہ پیدا ہو اسے غسل دینا کیسا ہے

                 اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ 

کیا فرماتے ہیں علمائے کرام ومفتیان عظام اس مسئلہ کے بارے میں کہ اگر پیدا ھوا بچہ اگر مرجاۓ تو اسے غسل دے یا نہیں برائے مہربانی مکمل طور پر جواب عنایت فرمائیں عین نوازش ہوگی آپ کی 

                سائل محمد فیضان رضا قادری

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

               وعلیکم السلام ورحمتہ اللہ وبرکاتہ 

                  الجوابـــــ بعون الملکـــــ الوھاب 

مسلمان مرد یا عورت کا بچہ زندہ پیدا ہوا یعنی اکثر حصہ باہر ہونے کے وقت زندہ تھا پھر مرگیا تو اس کو غسل و کفن دیں گے اور اس کی نماز پڑھیں گے ورنہ اسے ویسے ہی نہلا کر اسے ایک کپڑے میں لپیٹ کر دفن کردیں گے اس کے لئے غسل و کفن بطریق مسنون نہیں اور نماز بھی اس کی نہیں پڑھی جائے گی یہاں تک کہ سر جب باہر ہوا تھا اس وقت چینختا تھا مگر اکثر حصہ نکلنے سے پیشتر مرگیا تو نماز نہ پڑھی جائے اکثر کا مقدار یہ ہے کہ سر کی جانب سے ہوتو سینہ تک اکثر ہے اور پاوں کی جانب سے ہوتو کمر تک؟؟(درمختار ردالمختار وغیرہ)بہار شریعت حصہ چہارم صفحہ نمبر 844

                          واللہ اعلم بالصواب 

محمد قمرالدین قادری بمقام گیناپور ضلع بہرائچ شریف یوپی