السلام علیکم ورحمتہ اللہ وبرکاتہ
کیا فرماتے ہیں علمائے کرام ومفتیان عظام اس مسئلہ کے بارے میں کہ رمضان المبارک میں فلم دیکھنا کیسا اور جو امام فلم دیکھے اسکے پیچھے نماز پڑھنا کیسا ہے مع حوالہ جواب عنایت فرمائیں عین نوازش ہوگی
سائل محمد سلمان برکاتی
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام ورحمتہ اللہ وبرکاتہ
الجــــــــــــــــــــواب بعون الملک الوہاب
صورت مسئولہ میں رمضان ہو یا غیر رمضان فلم دیکھنا سخت ناجائز و حرام ھے فلم دیکھنے والے کے پیچھے نماز پڑھنا مکروہ تحریمی ھے اسے امام بنانا گناہ ھے(لان فی تقدیمہ تعظیمہ وقدوجب علمھم اھاتہ شرعا کما فی التمین) وغیرہ بحوالہ فتاوی علیمیہ جلد اول ص۱۸۸فلم دیکھنے والا شخص فاسق معلن اس کے پیچھے نماز مکروہ تحریمی واجب الاعادہ ہوگی لہذا فلم دیکھنے کے بعد جتنی نمازیں اس کے پیچھے پڑھی گئی ہیں ان کو دوبارہ پڑھیں اور آئندہ تاوقتیکہ وہ توبہ نہ کرلے اس کے پیچھے نماز نہ پڑھیں فتاوی فیض الرسول جلد اول باب الامة ص ۳۲۶
وھوسبحانه اعلم بالصواب
کتبــــــــــــــــــــــــہ
محمـــــــد نوشـــادعالــم کٹیہــــــــــــار بہـــــارمقیـــــم حال مالدہ مغـــــربی بنگال الھنــــــــد (۹)رمضـــــان المبـــــــارک(۱۴۴۱)ھجــــــــــــری(۳)مئـــــی(۲۰۲۰)عیسوی بروز شنبـــــــــــــــــہ
