امام سے چوری کرنا ثابت ہو جائے تو اسکے پیچھے نماز پڑھنا کیسا ہے

              السلام علیکم و رحمت اللہ و برکاتہ

کیا فرماتے ہیں علمائے کرام ومفتیان عظام اس مسئلہ کے بارے میں کہ امام صاحب سے چوری کرنا ثابت ہو جائے تو اس امام کے پیچھے نماز پڑھنا کیسا ہے ہوگی یا نہیں؟ مدلل جواب عنایت فرمائیں عین نوازش ہوگی 

               سائل محمد سعید احمد صدیقی

ایسے امام کے پیچھے نماز مکروہ تحریمی یعنی دہرانا واجب ہے کیونکہ چوری کرنا گناہ کبیرہ ہے اور گناہ کبیرہ کا مرتکب فاسق ہے اور فاسق کے پیچھے نماز مکروہ تحریمی ہے حدیث شریف میں ہے عن ابی ھریرةعن النّبیﷺقال لعن اللہ السارق حضرت ابوہریرہ رضی اللہ تعالی عنہ سے روایت ہے کہ نبی کریم صلی اللہ علیہ وسلم نے فرمایا کے چور پر اللہ تعالی نے لعنت فرمائی ہے(بخاری و مسلم ماخوذ انوارالحدیث ص٣٥٣)ایسے امام کو چاہئے کہ سچے دل سے علانیہ توبہ کرے اور مال مسروقہ واپس کردے اور آئندہ چوری نہ کرنے کا عہد کرے تو اس کے پیچھے نماز پڑھنا بلا کراہت جائز ہےحدیث شریف میں ہے التّاٸب من الذنب کمن لاذنب لہ گناہ سے توبہ کرنے والا ایسے پاک ہو جاتا ہے کہ جیسے اس نے کبھی گناہ کیا ہی نہ ہو اور اگر توبہ نہ کرے تو منصب امامت سے ہٹادیا جائے. 

                  واللہ اعلم بـاالـــــــصـــــــــواب