ایک گاؤں میں دو مسجدیں ہوں تو جمعہ کس میں ادا کریں ؟

                   السلام علیکم ورحمۃ اللہ وبرکاتہ

مسئلہ:۔ کیا فرما تے ہیں علمائے کرام اس مسئلہ میں کہ ایک گاؤں میں دو مسجدیں ہیں ایک پرانی اور ایک نئ تو جمعہ کس مسجد میں ادا کریں؟بینوا تو جروا 

                    المستفتی:۔عبد اللہ قادری 

دیہات میں جمعہ وعیدین کی نماز جائز نہیں مگر حکم شرع یہ ہے کہ جہاں قائم ہے وہاں منع نہ کیاجا ئے اور جہاں قائم نہ ہو وہاں قائم نہ کیاجا ئے جیسا کہ سرکار اعلیٰ حضرت رضی اللہ عنہ تحریر فرما تے ہیں کہ خود نہ پڑھیں گے حکم پوچھا جائے گا تو فتوی یہ دیں گے جہاں نہیں ہوتے قائم نہ کریں گے باایں ہمہ اگر عوام پڑھتے ہوں منع نہ کریں گے۔(فتاوی رضو یہ جلد ۸؍ص ۴۳۹؍دعوت اسلامی ) خلاصہ کلام یہ ہے کہ جہاں پہلے سے قائم ہے یعنی پرانی مسجد میں وہیں پر نماز جمعہ ادا کی جا ئے اور نئ مسجد میں جمعہ نہ ادا کی جا ئے صرف پنچوقتی نماز ادا کی جا ئے اور اگر کچھ لوگ جمعہ میں شامل نہ ہوسکیں تووہ نئی مسجد میں جمعہ کے دن نماز ظہر باجماعت ادا کرلیا کریں

                          ۔واللہ اعلم بالصواب