کیا کان کے اوپر کے بال صاف کر سکتے ہیں

السلام علیکم ورحمۃ اللہ وبرکاتہ

کیا فرماتے ہیں مفتیان کرام اس مسئلے پر کہ کان کے اوپر جو بال نکل آتے ہیں تو کیا اس بال کو صاف کر سکتے ہیں کہ نہیں،

سائل: احمد رضا، منکا پور

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وعلیکم السلام ورحمۃاللہ وبرکاتہ

الجواب اللھم ھدایۃ الحق والصواب

حضور صدر الشریعۃ بدر الطریقہ علامہ مفتی امجد علی اعظمی علیہ الرحمۃ تحریر فرماتے ہیں۔ بھؤں کے بال اگر بڑے ہوگۓ تو ان کو ترشوا سکتے ہیں چہرہ کے بال ترشوا لینا بھی جائز ہے جس کو خط کہتے ہیں اور ہاتھ پاؤں پیٹ پر سے بال دور کر سکتے ہیں ( اسلامی اخلاق و آداب صفحہ ٢٣٥ ) صورت مسئولہ میں جب ہاتھ پاؤں پیٹ کے بال کو دور کر سکتے ہیں تو بدرجہ اولی کان کے بال کو بھی دور کر سکتے ہیں

واللہ تعالیٰ اعلم بالصواب

کتبہ العبد محمد عمران القادری التنویری غفرلہ ٤ محرم الحرام ١٤٤٢  ٢٤ اگست ٢٠٢٠