السلام علیکم ورحمة اللہ وبرکاتہ
کیا فرماتے ہیں علماء کرام و مفتیان عظام اس مسئلہ کے بارے میں کہ نماز اشراق سنت ہے یا مستحب برائے مہربانی توجہ فرمائیں عین نوازش ہوگی
سائل تنویر حسین کٹیہاری
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام ورحمۃاللہ وبرکاتہ
الجواب بعون الملک الوھاب
نماز اشراق بعد نماز فجر طلوع آفتاب کے کم از کم بیس منٹ بعد دو رکعت پڑھنا سنت غیر مؤکدہ ہے حدیث شریف میں ہے کہ نبی آخرالزماں صلی اللہ علیہ وسلم نے فرمایا کہ جو شخص فجر کی نماز جماعت سے پڑھ کر ذکر الٰہی کرتا رہے یہاں تک کہ سورج بلند ہو جائے پھر دو رکعت نماز اشراق پڑھے تو اسے پورے ایک حج اور ایک عمرہ کا ثواب ملے گا ( ترمزی شریف جلد اول صفحہ ٧٦ )
واللہ اعلم بالصواب
کتبہ العبد محمد عمران القادری التنویری غفرلہ ٢٧ محرم الحرام ١٤٤٢ // ١٦ ستمبر ٢٠٢٠