11.18.2020

موبائل فون میں آیت سجدہ سن لینے پر کیا سجدہ واجب ہو جاتا ہے

 السلام عليكم ورحمة الله وبركاته 

کیا فرما تے ہیں وعلمائے دین شرع متین اس مسئلے کے بارے میں کہ کوئی شخص موبائل کے ذریعے قرآن پاک کی تلاوت سن رہا ہو اور اس نے آیت سجدہ والی آیت بھی سن لیا تو کیا اس کے اوپر سجدہ تلاوت واجب ہوگا یا نہیں برائے کرم اس کا جواب تحریر فرما کر شکریہ کا موقع عنایت فرما ئیں عین نوازش ہو گی

 المستفتی دلشاد احمد سدھارتھ نگر یو پی

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 وَعَلَیْکُمْ اَلسَّــلاَمُ وَرَحْمَتُہ اللّٰہِ وَبَـرْکَاتُـہْ


الجواب بعون الملک الوھابــــ


حضور صدرالشریعہ بدرالطریقہ علامہ مفتی امجد علی اعظمی رضوی بہارشریعت میں تحریر فرماتے ہیں کہ آیت سجدہ پڑھنے یا سننے سے سجدہ واجب ہو جاتا ہے، آیت سجدہ لکھنے یا اس کی طرف دیکھنے سے سجدہ واجب نہیں( بہار شریعت حصہ چہارم جلد اول ص ۷۳۱ مکتبۃ المدینۃ دھلی) نیز موبائل بھی ایک برقی اور مصنوعی پرندہ ہے لہذا اگر موبائل سے آیت سجدہ سنی جائے تو اس سے بھی سجدہ تلاوت واجب نہیں ہوگا سجدہ تلاوت واجب ہونے کے لئے ایک شرط یہ بھی ہے کہ قاری یعنی قرآن کی تلاوت کرنے والا تلاوت کا اہل اور مکلف ہو۔ موبائل نہ قرآن کی تلاوت کا اہل ہے اور نہ احکام شرع کا مکلف ۔لہذا جس طرح خود موبائل پر سجدہ تلاوت واجب نہیں اسی طرح موبائل کے ذریعہ آیت سجدہ سننے والوں پر بھی سجدہ تلاوت واجب نہ ہوگا لہذا موبائل کے ذریعہ آیت سجدہ سننے سے سامنے موجود سامعین پر سجدہ تلاوت واجب نہ ہوگا کیوں کہ جس طرح پرندہ شرعی احکام کا مکلف نہیں ہےاسی طرح موبائل بھی مکلف نہیں ہے اور وجوب سجدہ کے لئے قاری کا مکلف ہونا ضروری ہے ( ماخوذ موبائل فون کے ضروری مسائل صفحہ ۱۳۶۔۱۳۷۔۱۳۸ فلاح ریسرچ فاؤنڈیشن) 


واللہ اعلم بالصواب 


کتبہ فقیر محمد محبوب عالم امجدی مقام آزاد نگر نچلول ضلع مہراجگنج یوپی الہند رابطہ نمبر 7991712002

ایک تبصرہ شائع کریں

براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ

فـہـرسـت گـــــروپ مـنـتـظـمـیـن

...
رابـطـہ کــــریـں

Whatsapp Button works on Mobile Device only