کافر کو اس کے اچھے کام کی وجہ سے اچھا کہنا کیسا

       جواب

صورت مسئولہ میں کسی کافر کو اس کے اچھے کام کو دیکھ کر یا با اخلاق سمجھ کر اس کی تعظیم کرنا یا اس کو مسلمانوں سے اچھا ہے کہنا جائز اور درست نہیں کہ یہ اس کا اچھا برتاؤ صرف دکھلاوا اور بناوٹ ہے کیوں کہ جو شخص اپنے معبود حقیقی کو نہ پہچانے، اس کے وجود کا منکر ہو، اس کے ساتھ کس دوسرے کو شریک ٹھہرائے وہ حق ناشناس اور احسان فراموش ہے، اور احسان فراموش یا حق ناشناس شخص بااخلاق نہیں ہوسکتا اور آخرت میں ہمیشہ کے لئے اُس کا ٹھکانہ دوزخ ہوگا قال اللہ عزوجل إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَٰئِكَ هُمْ شَرُّ الْبَرِيَّةِ ہاں اس کے کام کو اچھا کہنے میں کوئی حرج نہیں کہ اس نے یہ کام اچھا کیا واللہ ورسولہ اعلم بالصواب