سوال
کیا فرماتے ہیں علمائے کرام اس مسئلہ کے بارے میں کہ اگر کسی نے تین جمعہ لگاتار چھوڑ دیا تو کیا وہ کافر ہو جائے گا برائے کرم جواب دیکر شکریہ کا موقع عنایت فرمائیں عین نوازش ہوگی
المستفی محمد سلمان رضا بستی
جواب
تین جمعہ اگر کوئی شخص لگا تار چھوڑ دے تو وہ منافق ہے
جیساکہ حدیث شریف میں ہے
جو تین جمعے سُستی کی وجہ سے چھوڑے اللہ تعالیٰ اس کے دل پر مُہر کر دے گا۔‘‘ اس کو ابو داود و ترمذی و نسائی و ابن ماجہ و دارمی و ابن خزیمہ و ابن حبان و حاکم ابوالجعد ضمری سے اور امام مالک نے صفوان بن سلیم سے اور امام احمد نے ابو قتادہ رضی اللہ تعالیٰ عنہم سے روایت کیا ترمذی نے کہا یہ حدیث حسن ہے اور حاکم نے کہا صحیح برشرط مسلم ہے اور ابن خزیمہ و حبان کی ایک روایت میں ہے، ’’جو تین جمعے بلاعذر چھوڑے، وہ منافق ہے۔‘‘ اور رزین کی روایت میں ہے، ’’وہ اللہ (عزوجل) سے بے علاقہ ہے۔‘‘ اور طبرانی کی روایت اسامہ رضی اللہ تعالیٰ عنہ سے ہے، ’’وہ منافقین میں لکھ دیا گیا۔‘‘ اور امام شافعی رضی اللہ تعالیٰ عنہ کی روایت عبداللہ بن عباس رضی اللہ تعالیٰ عنہما سے ہے، وہ منافق لکھ دیا گیا اس کتاب میں جو نہ محو ہو نہ بدلی جائے، اور ایک روایت میں ہے، ’’جو تین جمعے پے درپے چھوڑ ے اس نے اسلام کو پیٹھ کے پیچھے پھینک دیا
((بحوالہ بہار شریعت حصہ چہارم صفحہ ۷۶۱))
واللہ ورسولہ اعلم بالصواب
کتبہ محمد مشاہدرضا قادری رضوی
مقام شہید اعظم دولھاپور پہاڑ انٹیاتھوک بازار ضلع گونڈہ
السلام علیکم
جواب دیںحذف کریںمولانا اسرار احمد صاحب (کالا ڈھونگی) سے رابطہ کرنا ہے انکا نمبر چاہئے مہربانی ہوگی