چلتے چلتے راستے میں قرآن پاک پڑھنا کیسا

سوال

السلام علیکم ورحمتہ اللہ وبرکاتہ میں حافظ نور محمد اموا مولوی جلع بحرائچ شریف یو پی سے بعد سلام عرض ہے کی چلتے چلتے قرآن کریم کی تلاوت کرنا کیسا ہے کیا راستے میں چلتے ہوئے قرآن پڑھ سکتے ہیں یا نہیں المستفی حافظ نور محمد اموا مولوی جلع بحرائچ شریف یو پی دیار غازی

جواب

چلتے چلتے قرآن کی تلاوت کرنا جائز ہے راستے، میں چلتے ہوئے یا گھر میں چلتے ہوئے کہیں بھی قرآن پڑھ سکتے ہیں جب کہ دل نہ بٹے ورنہ مکروہ ہے

جیسا کہ غنیہ میں ہے والقرأۃ ما شیا اووھو یعمل عملا ان کان منتبھا لا یشغل قلبہ المشی والعمل جائزۃ والاتکرہ "اھ (غنیۃالمتملی شرح منیۃ المصلی القرأۃ خارج الصلاۃ صفحہ ٤٩٦)

اور بہار شریعت میں ہے لیٹ کر قرآن پڑھنے میں حرج نہیں ، جب کہ پاؤں سمٹے ہوں اور مونھ کھلا ہو، یوہیں چلنے اور کام کرنے کی حالت میں بھی تلاوت جائز ہے، جبکہ دل نہ بٹے، ورنہ مکروہ ہے (بہار شریعت حصہ سوم صفحہ ۵۵۵ قرآن مجید پڑھنے کا بیان) واللہ ورسولہ اعلم بالصواب

کتبہ فقیر محمد معصوم رضا نوریؔ ارشدی عفی عنہ

۳ جمادی الاول ۳٤٤١؁ ھجری