شراب بطور دوا استعمال کرنا کیسا

سوال

  کیا فرماتے ہیں علماء کرام اس مسئلہ کے بارے میں کہ شراب بطورِ دوا استعمال کر سکتے ہیں یا نہیں جواب عنایت فرمائیں عین نوازش ہوگی آپ سب کی المستفی محمد فرمان مقام بہرائچ شریف

       جواب

شراب حرام اشیاء ہے جیسے نا تو خود استعمال کیا جا سکتا ہے نا کہ جانوروں کو بھی یہاں تک کہ شراب کو بطور دوا مالش نہیں کیا جاسکتا

جیسا کہ حضور صدر الشریعہ بدر الطریقہ علیہ الرحمۃ والرضوان تحریر فرماتے ہیں کہ شراب سے خارجی علاج بھی ناجائز ہے مثلا زخم میں شراب لگائی یا کسی جانور کو زخم ہے اس پر شراب لگائی یا بچہ کے علاج میں شراب کا استعمال ان سب میں وہ گنہگار ہوگا جس نے اسکا استعمال کرایا (بہار شریعت جلد 16/صفحہ نمبر 509/510 مجلس المدینۃ دعوت اسلامی)

اور سیدی سرکار اعلی حضرت الشاہ امام احمد رضا خان محدث بریلوی رضی اللہ عنہ فتاویٰ رضویہ شریف میں تحریر فرماتے ہیں کہ شراب بھی حرام ہے اور نجس بھی اسکا خارج بدن پر بھی لگانا جائز نہیں ( فتاوی رضویہ شریف جلد 24/ص198/ مطبوعہ رضا فاؤنڈیشن لاہور ) لہذا واضع طور پر معلوم ہو گیا کہ شراب کو دوا کے طور پر بھی نہیں استعمال کیا جا سکتا فقط والسلام واللہ ورسولہ اعلم بالصواب 

کتبہ العبد خاکسار ناچیز محمد شفیق رضا رضوی

خطیب و امام سنّی مسجد حضرت منصور شاہ رحمت اللہ علیہ بس اسٹاپ کشنپور