سوال
کیا فرماتے ہیں علماء کرام و مفتیان عظام اس مسئلہ کے بارے میں کہ عورت کے پچھلے مقام میں صحبت کرنا کیسا ہے؟ برائے مہربانی جواب دیگر شکریہ کا موقع عنایت فرمائیں
المستفی محمد سلیم احمد جھارکھنڈ
جواب
عورت کی پچھلی شرمگاہ میں صحبت کرنا ناجائز و حرام ہے اور ایسا شخص سخت گنہگار ہے
جیسا کہ اللہ تعالیٰ فرماتا ہے کہ
فَأْتُواْ حَرْثَكُمْ أَنَّى شِئْتُمْ
اور حرث کہتے ہیں کھیتی کو یعنی جہاں سے پیدا ہو وہ کھیتی ہے، اور وہ قبل ہے اور دبر فرث ہے یعنی نجاست ہے
(سورة البقرة: 223)
اور ابن ماجہ کی حدیث شریف میں ہے کہ
حَدَّثَنَا مُحَمَّدُ بْنُ عَبْدِ الْمَلِكِ بْنِ أَبِي الشَّوَارِبِ، حَدَّثَنَا عَبْدُ الْعَزِيزِ بْنُ الْمُخْتَارِ، عَنْ سُهَيْلِ بْنِ أَبِي صَالِحٍ، عَنْالْحَارِثِ بْنِ مُخَلَّدٍ، عَنْ أَبِي هُرَيْرَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: لَا يَنْظُرُ اللَّهُ عَزَّ وَجَلَّ إِلَى رَجُلٍ جَامَعَ امْرَأَتَهُ فِي دُبُرِهَا
ترجمہ ابوہریرہ رضی اللہ تعالٰی عنہ کہتے ہیں کہ نبی اکرم ﷺ نے فرمایا: اللہ تعالیٰ اس شخص کی طرف نہیں دیکھے گا جو کسی عورت سے اس کے دبر یعنی کہ (پچھلی شرمگاہ) میں جماع کرے
(سنن ابن ماجہ حدیث نمبر: 1923)
اور دوسری جگہ حدیث شریف میں یو ہے کہ
حَدَّثَنَا أَحْمَدُ بْنُ عَبْدَةَ، أَنْبَأَنَا عَبْدُ الْوَاحِدِ بْنُ زِيَادٍ، عَنْ حَجَّاجِ بْنِ أَرْطَاةَ، عَنْ عَمْرِو بْنِ شُعَيْبٍ، عَنْ عَبْدِ اللَّهِ بْنِ هَرَمِيٍّ، عَنْ خُزَيْمَةَ بْنِ ثَابِتٍ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّ اللَّهَ لَا يَسْتَحْيِي مِنَ الْحَقِّ ثَلَاثَ مَرَّاتٍ لَا تَأْتُوا النِّسَاءَ فِي أَدْبَارِهِنَّ
ترجمہ :- خزیمہ بن ثابت رضی اللہ تعالٰی عنہ کہتے ہیں کہ رسول اللہ ﷺ نے فرمایا اللہ تعالیٰ حق بات سے شرم نہیں کرتا آپ ﷺ نے یہ جملہ تین بار فرمایا اور فرمایا عورتوں کی دبر میں جماع نہ کرو
(سنن ابن ماجہ حدیث نمبر: 1924)
لہذا واضع طور پر معلوم ہو گیا کہ پچھلی شرمگاہ میں صحبت کرنا سخت ناجائز و حرام ہے
واللہ ورسولہ اعلم بالصواب
کتبہ العبد خاکسار ناچیز محمد شفیق رضا رضوی
خطیب و امام سنّی مسجد حضرت منصور شاہ رحمت اللہ علیہ بس اسٹاپ کشنپور الھند
0 Comments:
براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ