گھٹنے کھول کر وُضو کرنے سے وضو ہوگا یا نہیں

سوال

  کیا فرماتے ہیں علمائے کرام اس مسئلہ کے بارے میں کہ غسل خانے میں برہنہ ہوکر وضو ہو جاتا ہے تو باہر گھنٹے کھول کر وُضو کیوں نہیں ہوگا برائے کرم مکمل طور پر جواب عنایت فرمائیں عین نوزش ہوگی المستفتی عبدالقادر رضوی

       جواب

آداب وضو میں سے یہ ہیکہ وضو کرتے وقت متوضی ستر پوشی کا مکمل اور خصوصیت کے ساتھ اہتمام کرے خواہ وہ غسل خانہ میں ہو یا باہر لیکن پھر بھی اگر وضو کے وقت ستر کھل جائے تو بھی وضو ہو جائیگا کیونکہ کہ ستر عورت وضو کا فرض نہیں ہے کہ اسکی عدم رعایت سے وضو سرے سے ہو ہی نہیں سکتا یہ عوام کا خیال محض اور بے اصل ہے چنانچہ حضور اعلی حضرت رضی المولی تعالیٰ عنہ وارضاہ عنا فرماتے ہیں ستر کھلنے یا دیکھنے سے وضو جانا کہ عوام کی زبان زد ہے محض بے اصل ہے علماء نے ستر عورت کو آداب وضو سے گنا اگر کشف سے وضو جاتا تو فرائض وضو ہوتا

اسی حاشیہ میں ہے گھٹنے یا ستر کھلنے یا اپنا یا پرایا ستر دیکھنے سے وضو نہیں جاتا وضو کا ادب یہ ہیکہ ناف سے زانو کے نیچے تک سب ستر چھپاکر ہو بلکہ استنجے کے بعد فورا ہی ستر ہو لینا چاہئے کہ بلا ضرورت برہنگی منع ہے

(فتاویٰ رضویہ ج ۱ ص٤٧٠) وھکذا فی بہار شریعت ج ۱ح ۲ص٣٠٩

لہذا سوال میں بیان کردہ دونوں صورتوں میں وضو ہو جائیگا البتہ خلاف آداب وضو ہوگا اور دوسروں کے سامنے کشف عورت سے گنہگار بھی ہوگا واللہ ورسولہ اعلم بالصواب 

کتبہ محمد مزمل حسین نوری مصباحی

مقام دھانگڑھا کشن گنج بہار الھند

Share On Facebook Share On twitter