کیا کنجے جانور کی قربانی ہو سکتی ہے؟

(مسئلہ) کیا کنجے جانور کی قربانی ہو سکتی ہے؟ جس کی آنکھوں کی پتلی میں سفیدی ہوتی ہے

(الجواب) اگر اس آنکھ سے اسے کچھ دکھائی نہیں دیتا یا تہائی روشنی اس آنکھ سے چلی گئی تو اس کی قربانی ناجائز ہے ورنہ کراہت کے ساتھ جائز بہار شریعت میں ہے:  اس کے پہچاننے کا طریقہ یہ ہے کہ جانور کو ایک دو دن بھوکا رکھا جائے پھر اس آنکھ پر پٹی باندھ دی جائے جس کی روشنی کم ہے اور اچھی آنکھ کھلی رکھی جائے اور اتنی دور چارہ رکھیں جس کو جانور نہ دیکھے پھر چارہ کو نزدیک لاتے جائیں جس جگہ وہ چارے کو دیکھنے لگے وہاں نشان رکھ دیں پھر اچھی آنکھ پر پٹی باندھ دیں اور دوسری کھول دیں اور چارہ کو قریب کرتے جائیں جس جگہ اس آنکھ سے دیکھ لے یہاں بھی نشان کر دیں پھر دونوں جگہوں کی پیمائش کریں اگر یہ جگہ اس پہلی جگہ کی تہائی ہے تو معلوم ہوا کہ تہائی روشنی کم ہے اور اگر نصف ہے تو معلوم ہوا کہ بہ نسبت اچھی آنکھ کی اس کی روشنی آدھی ہے. (بہار شریعت، ٣٤١/٣) والله تعالی اعلم

کتبہ ندیم ابن علیم المصبور العینی ممبئی مہاراشٹر انڈیا