نماز وتر میں دعائے قنوت بھول کر رکوع چلے جائیں تو کیا کریں؟

نماز وتر میں دعائے قنوت بھول کر رکوع چلے جائیں تو کیا کریں؟ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

السلام علیکم و رحمۃ اللہ وبرکاتہ

کیا فرماتے ہیں علماء دین و مفتیان شرع متین مسئلہ ذیل کے بارے میں کہ:امام صاحب وتر میں دعا قنوت پڑھنا بھول جائے اور رکوع میں چلا جائے لقمہ ملنے کے بعد قیام کی طرف لوٹ آئے تو اس کا کیا حکم ہے بحوالہ جواب عنایت فرمائیں۔ 

المستفی غریب نواز مصباحی

9918241897

۔۔۔۔۔۔۔۔ 

بسم اللہ الرحمن الرحیم۔ 

الجواب جوشخص دعائے قنوت پڑھنا بھول جائے اور رکوع میں چلا جائے تواس کےلئے جائز نہیں کہ وہ دعائے قنوت پڑھنے کےلئے رکوع سے پلٹے بلکہ حکم ہے کہ وہ نماز پوری کرے اور اخیر میں سجدۂ سہوکرے۔ پھر اگر خود ہی یاد آجائے اور رکوع سے پلٹ کر دعائے قنوت پڑھے تواصح یہ ہے کہ براکیاگنہگارہوا مگر نماز فاسد نہ ہوئی ردالمحتارمیں ہے لوسھاعن القنوت فرکع فانہ لوعادوقنت لاتفسدعلی الاصح اھ

مگر صورت مستفسرہ میں جب مقتدی نے امرناجائز کےلئے لقمہ دیا تواس کی نماز فاسد ہوگئی پھر امام اس کے بتانے سے پلٹا اور وہ نماز سے خارج تھاامام کی بھی نماز فاسد ہوگئی اور اس کے سبب کسی کی نماز نہ ہوئی ھکذاالکتب الفقہیۃ وھوتعالی ورسولہ الاعلی اعلم(فتاویٰ فیض الرسول ج 1 ص 386) 

کتبہ ابوضیاغلام رسول سعدی کٹیہاری مقیم حال بلگام کرناٹک 8618303831

12/رمضان المبارک 1446ھ