پیارے نبی صلی اللہ علیہ وسلم کو دودھ سب سے پہلے کس نے پلایا ؟؟؟

• 
  
•                  السلام علیکم ورحمتہ اللہ وبرکاتہ
• 
  
• کیا فرماتے ہیں علمائے کرام ومفتیان عظام اس مسئلہ کے بارے میں کہ پیارے آقا صل اللہ علیہ وسلم کو سب سے پہلے کس نے دودھ پلایا برائے مہربانی مکمل طور پر جواب عنایت فرمائیں عین نوازش ہوگی
• 
  
•          سائل محمد شاکر رضوی جہاں آباد یو پی
• 
  
•              وعلیکم السلام ورحمۃ اللہ وبرکاتہ 
• ــــــــــــــــــــــــــــــــــــــــــــــــــــــــــــــــــــــــــــــــــــــــــ
•                  الجواب بعون الملک الوہاب 
• 
  
• : سب سے پہلے جس نے حضور اکرم صلی اللہ تعالیٰ علیہ وسلم کو دودھ پلایا وہ ابو لہب کی باندی ثویبہ ( بضم ثاء و فتح واؤ و سکون یاء) تھی جس شب حضور اکرم صلی اللہ تعالیٰ علیہ وسلم کی ولادت ہوئی ثویبہ نے ابو لہب کو بشارت پہنچائی کہ تمہارے بھائی حضرت عبداللہ رضی اللہ تعالیٰ عنہ کے گھر فرزند پیدا ہوا ہے ابو لہب نے اس مژدۂ پر اسکو آزاد کرکے حکم دیا کہ جاؤ دودھ پلاؤ حق تعالیٰ نے اس خوشی و مسرت پر جو ابو لہب نے حضور صلی اللہ تعالیٰ علیہ وسلم کی ولادت پر ظاہر کی اسکے عذاب میں کمی کردی اور دوشنبہ کے دن اس پر سے عذاب اٹھا لیا جاتا " اھ 
• بحوالہ مدارج النبوۃ مترجم ج:2/ص:35/ ایامرضاعت/ شبیر برادرز اردو بازار لاہور 
• 
  
•                             واللہ تعالیٰ اعلم 
• 
  
• کتبہ اسرار احمد نوری بریلوی خادم التدریس والافتاء مدرسہ عربیہ اہل سنت فیض العلوم کالا ڈھونگی ضلع نینی تال اتراکھنڈ 26---مئی ---2020---بروز منگل